Usapang Pagmamadre
by salbehe on February 15, 2010
Sa pamilya namin, lahat kami mahilig magbasa. Sa katunayan kapag pumasyal ka sa bahay namin may isang kuwarto ang tambakan namin ng mga libro bukod pa sa mga libro na nagkalat sa sala. Noong bata pa kami pinapasyal kami ni Mamita sa Provincial Library para ipakita kung papaano naka-arrange ang libro, mag-fill-up ng form para makahiram ng libro at syempre magbasa. Ang nakakatuwa, may iba’t ibang genre kaming nagustuhan:
Papito – Science fiction, crime, mystery. Tom Clancy types.
Mamita – Romance, drama, passion. Danielle Steel types.
Essy (kapatid kong babae) – Precious Romance :lol:
Emon (kapatid kong lalake) – Science books and magazine. National Geographic types.
Salbehe – Adventure, romance. Sidney Sheldon types.
Ang pinakapaborito ko sa koleksyon namin ay Then Came Heaven ni LaVyrle Spencer. Tungkol ito sa madreng na-inlove sa nabyudong lalake na may dalawang anak (Chessy much). Tatlong beses ko yatang nabasa ito at sa lahat ng pagkakataon yon, umiiyak ako (Madrama much). Tuwing matatapos kong basahin ang Then Came Heaven iniisip kong magmadre. Lalo na ngayon.
Para kay Leya. Darang, pasensya ka na kung hindi ako nakapunta sa dinner mo. Maraming salamat sa pasalubong mong libro, kilala mo talaga ako. Alam mong kahit anong libro babasahin ko. Alam mo bang isang chapter dini-describe ang kissing scene (kissing scene pa lang!) duon. Syet. Nakalimutan ko na tuloy mag-madre.
*Reply sa blog na “Usapang Pagpapari” ni Otep.
