Ngayon ang huling araw ng petiks mode ko. Pagkatapos ng Holy Week, may dalawang project na naghihintay sa akin. Gusto kong gumawa ng bagong blog bago ako magpakabusy sa pagtulog ngayong kuwaresma, pero sa totoo lang nauubusan na ako ng kaibigang ginagawan ko ng scandal.

Har.

Parang hindi ko naman ginagawang isyu parati ang sarili ko samantalang ako ang laging bida dito. Natural lang dahil blog ko ito. Pero minsan napapaisip ako kung ano bang kategorya ng blog na ito? Personal o humor? Siguro iisipin ko din yan ngayong bakasyon.

Sabi sa blog ng Tunay Na Babae, ang tunay na babae daw ay may corresponding song sa bawat development stage ng lovelife. Naniniwala ako dito. Sa ngayon eto ang LSS ko.

Gusto mo ang soundtrip ko noong isang taon? Eto.

New Soul – Yael Naim Music Code

Pagbalik ko sa site na ito, I’m a new soul.

La-la-la-la-la-la-la-la…

Babala: Mayabang ang post na ito.

Lumelebel na naman sa 30 kiaw ang credit card bill ko, mas malaki pa sa buwanang sahod ko. Anong magagawa ko? Malungkot ako, stress, bitter at galit sa mundo. Kailangan kong pumunta sa mall, mamili, mamasyal, gumastos ng walang patumangga.

Madami akong nabiling item na naisip ko lang na kailangan ko.

• Tatlong phone. Isa lang ang sim ko, pero naisip ko lang na baka kailangan ko ng dalawa pang phone.
• Digital Organizer. Naisip ko lang na baka kailangan kong i-organize ang buhay ko.
• Battery charger with rechargable battery. Naisip ko lang na baka kailangan ko ng battery at charger dahil may rotating brownout.
• Dalawang camera. Naisip ko lang na kailangan ko ng isang waterproof na camera.
• Hygrometer. Naisip ko lang na kailangan ng mga hermit crabs ko na malaman ang humidity level ng crabitat nila.
• Unlimited Web Hosting. Naisip ko lang na kailangan ko ng unlimited web space, unlimited bandwidth at pwedeng mag-host ng unlimited domain name.
• Malaysia Trip, again. Naisip ko lang na baka nami-miss na ako ni Leya at Richard.
• Bukod pa sa bag, damit, belt, sapatos, bean bag, carpet, throw pillow case, turtle stuff toy na naisip kong kailangan ko.

Ang sarap ng feeling kapag nakahanap ako ng item pagkatapos kong magpaikot-ikot sa malls at ebay. Mas masarap ang feeling na mamroblema na lang ako kung pano babayaran ang credit card bill ko kesa pag-isipan ang pinagdadaanan ko ngayon.

May kwento ako, noong Miyerkules nagpabili ng libro ang kapatid ko.

Sabi ng mabait na customer service, “Maam, baka gusto nyo mag-add pa ng item para makakuha ng free notebook namin, P100 na lang po sayang naman”.

Sabi ko, “Meron ba kayong Twilight?”. Syempre meron sila. Mas makakamura ako kung bibilhin ko ang apat na libro kesa bumili ng paisa-isang libro. Kaya eto ang binili ko:

Libro ng kapatid ko: P1400
Twilight Saga Collection: P1388

twilight saga collection

Hinayupak na katangahan yan. Okay, may libre naman akong notebook pero pagkalabas ng bookstore naisip kong hindi ko naman pala kailangan ng notebook. Hello? May digital organizer ako! Kaya eto, I have this love-hate relationship sa credit card ko.

Bakit ko nakwento ito? Para sabihin sa iyo (alam mo kung sino ka), na tigilan mo na ang pang-i-stress, panggugulo at pangungulit sa buhay ko. Namumulubi na ako. Masaya na ako.

Sabi sa iyo may kayabangan ako.