Kung bakit hindi ako mananalo sa Pasiklaban ni J.Kulisap:

1. Kahit nasa title ng blogpost na ito ang salitang KAMALAYANG MALAYA, walang kinalaman sa kamalayang malaya ang post na ito.
2. Hindi ito sanaysay.
3. Bilang ng mga salita: hindi 275.
4. Sa pagtatapos, wala akong iiwanang kasabihan,salawikain o sawikain maliban sa Tse!
5. Hindi ito makahulugan, matalinhaga at matayutay. Tae naman, hindi ko nga alam ang ibig sabihin ng matayutay.
6. Halos lahat ng mababasa dito ay salitang hiram. Isasauli ko naman sa hiniraman ko.
7. Ang makabuluhang maipaparating ng aking malayang kaisipan ay.. ay.. ay wala.

Pasensya ka na Jakul, hindi pa ako mature enough para sumali sa iyong seryosong kontes. Kung may mapapanalunan sanang lalaki, naku po, mahihinog na sana ako sa pilit. Sana makatulong na lang ito para dumami ang sumali sa pakontest mo.

"Tse!" – Salbehe