Isa sa mga hindi ko makakalimutan na trip ay noong pumunta kami sa Calaguas Island. Hindi ako magaling na photographer kaya kukuha na lang ako ng picture ni Super Tikoy.

Yan ang Calaguas Island. Totoong ganyan kaputi at kapino ang buhangin. Totoong ganyan ka-blue ang dagat. Kung may isang beach ako na babalik-balikan, Calaguas Island na yun.

Noong pumunta kami sa Calaguas Island, siguro 3-4 years ago, wala pang resort sa mismong isla. Ewan ko ngayon kung meron na. Nag-stay kami noon sa tent na nasa ilalim ng mga puno sa tabing dagat. Mula noon, nauso na ang tinatawag na beach camp. Tsarot lang!

Walang kuryente at wala din signal ng kahit anong mobile service provider. Nakikigamit kami ng kubeta sa pinakamalapit na buhay na isang daang tambling pa kung saan kami nag-camp.

Ang saya saya di ba?!

Noong unang araw namin, excited kaming mag-swim, mag-skimboard at mag-photoshoot sa tabing dagat habang may sunset. Ang ganda ganda nun! Wagi! Noong madilim na, tsaka kami nakaisip na maligo na. Ang siste, hindi pa din pala inabot ng Maynilad Water District ang Calaguas Island. Wala ding poso at ang tanging pwedeng paliguan ay fifty tambling pa sa isang… balon.

Gamit ang flashlight, pumunta kami sa balon. Ang hirap maligo ng naka-flashlight, kapain kung saan nakalagay ang sabon at shampoo at magbihis sa tabi ng balon. Ang hirap hirap talaga, Ate Charo. Kaya nung sumunod na araw (tatlong araw kami sa isla), alam na namin ang teknik. Kailangan pala namin pumunta agad sa balon habang may liwanag pa ng araw. Kami na ang henyo!

Pagdating namin sa balon (second day), na-shock kami sagad hanggang bones. Pagsalok kasi namin ng tubig sa balon, color brown ang tubig! Kulay putik. Potek!

Sabi namin,

“Ganyan ba talaga yan kagabi?”

“Siguro.”

“Sana pala gabi na lang uli tayo naligo para hindi natin nakitang nakakadiri ang tubig!”

Promise, gusto ko uling bumalik sa Calaguas Island. Promise!

Hindi ordinaryong kain-tulog na karaniwang hobby tuwing Holy Week.

Holy Wednesday
Naka-sick leave. Nagpadoktor. Nag-celebrate dahil negative ang lahat ng medical test. Nabitin sa Madison, kaya…

Maundy Thursday
…nag-house-party. Naka-witness ng live sex scandal. No joke. Natulog. Kumain. Umuwi. Natulog. Kumain. Natulog.

Good Friday
Nagbyahe papuntang Alfonso. Kumain ng pork. Madaming pork. Nakipag-inuman sa mga kaibigan, pinsan at tito ni Roi. May naka-MU. Natulog.

Black Saturday
Nagbyahe papuntang Batangas City. Kumain. Bumili ng sunblock. Pumunta ng Anilao. Kunwaring tumulong sa pagluluto. Kumain. Pork uli. Nag-night swimming. Nasabi ko bang bumili ako ng sunblock? Inulit ko lang baka hindi ma-gets. Nag-nomo fest. Hindi sa buhangin. Nakalublob mismo sa dagat. Masaya pala yung ganun. Uminom ng Boracay Rum, Ginebra Blue Gin, Redhorse, Sprite, Ginebra Bilog, kape, iced tea, orange juice at kung ano ano pang shit na hindi ko matandaan. Nang halo halo. Parang pinagbabaran ng damit na de kolor. Pero masarap.

Easter Sunday
Bumalik ng Batangas City. Kumain. Hindi na bawal ang baboy. Nasabi ko lang. Nagmeryenda. Nagbyahe pauwi sa Quezon City. Kumain. Natulog.